" تدلل " . بقلمي ..... اهداء لـ دلع الرياض ... تم اضافة القصيده الصوتيه

السلام عليكم ورحمة الله و بركاته

اهداء و تلبيه لطلب الاخت دلع الرياض
اضع بين ايديكم اولى قصائدي الصوتيه
و اقدم جزيل الشكر لاخي الغالي فهد الخالدي لجهوده في هندسة الصوت و المؤثرت
رابط القصيده الصوتيه "تدلل"
و لا تحرومني من ملاحظاتكم

غزليه اتمنى ان ترتقي لعذب ذوائقكم

" تدلل "
...
...
في هالدنيـا ابد مــــــا ناظـــــرة عيني حد بشرواك
جمالك همسة شفاهــــــك دلالك بســــــــمتك طيبك
...
***
عيونك قمره و خــــــدك ورود(ن) ما بهــا اشواك
و اذا مرني شذا الزهار انــــــا عارف هذا طــيبك
...
***
اموت فهرجك و جدك اموت فضحكــــــتك و بكاك
امــوت فـ كلمـــــة احبــــك اذا كانــــــت بــساليبك
...
***
فديتك كلـــما فيني يــــــحبك يعشقــــك يـــــــفداك
حبيبك واقــــــف(ن) عندك تدلل وش مطاليــــبك
...
***
تبي نجم السما و الا تبي رحله لــــــبدر ضـــياك
انا حاظر ابرحل بك نـــــزوره ثـم ابا جيـــــــبك
...
***
واذا ودك بنور الشمــــــس يطفي في سما دنياك
محال(ن) احرم الدنـيا سنا شمس(ن) تضوي بك
...
***
تروح الروح في بعدك وترجع من بعد لــــقياك
وقول اشعار في وصفك تزينــــــها وتزهي بك
...
***
في هالدنيا انا ما ناظــــــرة عيني حـد بشرواك
لانك نادر بخلقــــــــك ولا بك شــي(ن) يعيبك

وسلامتكم
اخوكم ولد العلي